Xueves fayueleru y risonderu nel Institutu
El xueves 7 de marzu, por cuenta del Antroxu, l’alumnáu de 4º ESO d’asturianu aperió fayuelos pa distribuyir a la hora’l recréu ente tol alumnáu y profesores del Institutu. Un trabayu que llevaron a cabu con procuru, rapidez, esfuerzu, rises y contentu. Asina algamaron sacar más de cien saborgosos fayuelos. Dalgunos d’estos alumn@s amazcaráronse de zamarrones, con túniques d’arpillera y cencerros y llueques que ficieron sonar mientres cocinaben. Gracies a Jeni, Adrián, Aroa, Alex, Alejandro, David y Lucía pola so xenerosidá y la so allegría.
