top of page

Actos n'alcordanza de les víctimes del Holocaustu (Shoah)



Con motivu del “Día Internacional en Memoria de les Víctimes del Holocaustu” (27 de xineru) celebramos el vienres 25 de xineru nel salón d'actos de la Casa de Cultura “Marta Portal” de Nava un actu n'alcordanza de les neños xudíos víctimes de la Shoah cola llectura de testimonios estrayíos de los sos diarios. Gracies a tolos alumnos y alumnes que lleeron, pudimos escuchar nuevamente les voces de los neños y neñes xudíos d'Hungría, de Polonia, d'Alemaña, de Francia, d’Holanda... sentimos los sos suaños, la so fame, el so mieu, la so soledá. ¡Maraviyosu milagru'l de los diarios, que nos dexa xunir pasáu y presente a la gueta d'un futuru meyor!


Per otru llau, pudimos visitar nel Institutu la esposición "Ser Testigu" de Yad VaShem y los cartelos iguaos pol alumnáu de 3º y 4º ESO de Llingua sobre Los xustos ente les Naciones y los Maestros que salvaron vides. Coles mesmes, fízose una esposición de llibros sobre'l tema na nueva Biblioteca del Centru.


Gracies a tol alumnáu que participastis, porque apurristis el vuesu granu de sable nel intentu de construyir un mundu meyor, llibre de prexuicios y llibre de los silencios que ficieron posible la Shoah.


bottom of page